Հայազգի գիտնականի արժանվույն գնահատականը

Ռուսաստանի Դաշնության առողջապահության նախարարության ՙՌուսական պետական բժշկական համալսարանի՚  Բժշիկների կատարելագործման ֆակուլտետի նևրոլոգիայի և նեյրովիրաբուժության ամբիոնի դասընթացի ղեկավար, բժշկական գիտությունների դոկտոր, պրոֆեսոր Գագիկ Նորայրի ԱՎԱԳՅԱՆԻՆ վերջերս մասնագիտական բարձր վարպետության, բազմամյա բարեխիղճ աշխատանքի, գիտական դպրոցի ստեղծման, գիտական կադրերի դաստիարակման և պատրատման, գիտական գործունեության ոլորտում ունեցած նվաճումների համար շնորհվել է Ռուսաստանի Դաշնության կառավարական պարգև և ՙՌուսաստանի Դաշնության գիտության վաստակավոր գործչի՚ պատվավոր կոչում: 

<>պատվավոր կոչմանն արժանանում են գիտության դոկտորի գաստիճան ունեցող անվանի գիտնականներ, իտության և տեխնիկայի առաջատար ուղղություններում կատարած  մշակումների, գիտական դպրոցի ստեղծման, գիտական կադրերի դաստիարակման և պատրաստման համար: Այսօր մեր հայրենակիցը գնահատվել է ըստ արժանվույն և արժանացել այդ բարձր պարգևին: 

Գագիկ Նորայրի Ավագյանը 1970թ., գերազանցիկությամբ ավարտելով Երևանի պետական բժշկական ինստիտուտի ՙԲուժական գործ՚ մասնագիտությունը, 1971-1974թթ. շարունակել է ուսումը Ն.Ի.Պիրագովի անվան Մոսկվայի պետական բժշկական 2-րդ ինստիտուտի նևրոլոգիայի ամբիոնի ասպիրանտուրայում և 1975թ. հաջողությամբ պաշտպանել թեկնածուական ատենախոսությունը: 

Երիտասարդ գիտնականն իր աշխատանքային գործունեությունը շարունակել է Մոսկվայում և° որպես գիտաշխատող, և° որպես Քիմիական միացությունների կենսաբանական փորձերի գծով գհի կլինիկական նեյրոֆիզիոլոգիայի սեկտորի վարիչ: 1985թ. Մոսկվայի Լենինի անվան պետական 2-րդ բժշկական ինստիտուտում պաշտպանում է դոկտորական թեզը նևրոլոգիայի մասնագիտությամբ, իսկ 1990թ. նրան շնորհվում է պրոֆեսորի կոչում: 

1988 թվականից Գ.Ն.Ավագյանն աշխատում է  Ռուսաստանի պետական բժշկական համալսարանի բուժական ֆակուլտետի նևրոլոգիայի և նեյրովիրաբուժության ամբիոնում որպես պրոֆեսոր, իսկ 1998 թվականից` Ռուսաստանի պետական բժշկական համալսարանի նևրոլոգիայի և նեյրովիրաբուժության ամբիոնի ԲԿՖ-ի դասընթացի վեկավար: 

Պրոֆեսոր Գ.Ն.Ավագյանը ճանաչված գիտնական է, ով իր բազմամյա հետազոտությունները նվիրել է նևրոլոգիայի ասպեկտների հիմնարար և կիրառական մշակումներին, նևրոլոգիայի զարգացման և նեյրոգիտության ոլորտում ժամանակակից նվաճումների ներդրման: Նրա ղեկավարությամբ ուսումնասիրվում են էպիլեպսիայի և պարօքսիզմային վիճակներում ծագած առավել հրատապ խնդիրները, նյարդային և նյարդամկանային համակարգի հիվանդությունների ընթացքում շարժողական խախտումները, արտաբուրգային հիվանդությունները և ցավային համախտանիշները:

Գ.Ն.Ավագյանը փորձարարական և կլինիկական հետազոտությունների հիման վրա ձևավորել է էպիլեպտիկ և հակաէպիլեպտիկ համակարգերի փոխազդեցության կոնցեպցիա, նրա կողմից առաջադրվել են էպիլեպսիայի և պարօքսիզմային վիճակների ախտածնության, ախտորոշման և բուժման մի շարք սկզբունային նոր մոտեցումներ: Նա առաջարկել է էպիլեպիկ նոպայի ժամանակ ՙպարօքսիզմային ուղեղի՚ ախտորոշման իրականացման չափորոշիչներ և դրանց կասեցումը, մշակել է էպիլեպսիայի և էպիլեպտիկ համախտանիշների դեպքում բուժման և վերականգնողական միջոցառումների նոր կոնցեպտուալ մոտեցում, հիվանդներին օգնելու նպատակով ներդրվել են կազմակերպական միջոցառումներ: 

Գ.Ն.Ավագյանը հեղինակ է 300-ից ավելի գիտական աշխատությունների, այդ թվում` 7 գիրք, ձեռնարկներ, մեթոդական հանձնարարականներ, ունի հեղինակային 2 վկայական, հայտնագործության 2 արտոնագիր, ռացիոնալիզատորական 17 առաջարկ և բազմաթիվ պրոբլեմատիկ հոդվածներ: Նրա ղեկավարությամբ և խորհրդատվությամբ պաշտպանվել են 4 դոկտորական և 27 թեկնածուական ատենախոսություններ, ներկայումս իրականացվում է 3 դոկտորոկան և 5 թեկնածուական թեզ: 

Պրոֆեսոր Գ.Ն.Ավագյանը հիմնել է իր սեփական դպրոցը, նրա աշակերտներն այսօր ՌԴ և ԱՊՀ երկրների տարբեր քաղաքներում ղեկավարում են նևրոլոգիայի և նեյրովիրաբուժության ամբիոնները: Գ.Ն.Ավագյանն առանձնահատուկ ուշադրություն է հատկացնում հետդիպլոմային կրթությանը. նրա ղեկավարությամբ պատրաստվել են ավելի քան 3500 նևրոլոգ և այլ մասնագիտության բժիշկներ: 

Պրոֆեսոր Գ.Ն.Ավագյանը զբաղվում է նաև հասարակակ գործունեությամբ, որը սերտորեն առնչվում է նրա մասնագիտական գործունեության հետ: Նա նևրոլոգների Համառուսաստանյան ընկերության  նախագահության անդամ է, ՌԴ Առողջապահության և սոցիալական զարգացման նախարարության գիտական խորհուրդների նևրոլոգիայի սեկցիայի նախագահի տեղակալը, ՌԳԱ և ՌԲԳԱ ՙՆևրոլոգիայի հիմնարար հետազոտությունների՚ հիմնախնդիրների հանձնաժողովի քարտուղարը, ՌՊԲՀ ՊԿՀ ԲՄԿ նևրոլոգիայի, հոգեբուժության և հոգեբանության գծով գիտական խորհրդի նախագահը, մի շարք ամսագրերի խմբագրական խորհրդի անդամ. ՙռուսերեն բոլորը՚, ՙռուսերեն՚ ամսագրի գլխավոր խմբագիր: Պրոֆեսոր Գ.Ն.Ավագյանը դոկտորական և թեկնածուական գիտական աստիճաններ շնորհող Ատենախոսության 3 խորհուրդների անդամ է: 

Գ.Ն.Ավագյանը ՌԴ Առողջապահության և սոցիալական զարգացման նախարարության ՌԲԳԱ միջգերատեսչական գիտական խորհրդի  ՙԷպիլեպսիա: Պարօքսիզմային վիճակ՚ հիմնախնդրային հանձնաժողովի նախագահն է, նա ամբողջացնում է Ռուսաստանի 26 հաստատությունների և կազմակերպությունների գործունեությունը, որտեղ ակտիվորեն մշակվում են  Ռուսաստանի տարբեր տարածաշրջաններում էպիլեպսիայի համաճարակի ուսումնասիրման, ինչպես նաև պարօքսիզմային վիճակների վերաբերյալ ծրագրեր:

Գ.Ն.Ավագյանի ակտիվ մասնակցությամբ ամրապնդվեց նևրոլոգների, հոգեբույժների, նեյրոֆիզիոլոգների, իմունոլոգների և գենետիկների գիտական համագործակցությունը: Ներդրվեցին ժամանակակից նեյրոֆիզիոլոգիայի, գենետիկայի, իմունային, կենսաքիմիական և այլ ինովիցիոն մեթոդները, որոնք ընդյալնում են պատկերացումները էպիլեպտածինի, ցավի ՙքրոնիկական՚ մեխանիզմի և պաթոլոգիկ ցավային համակարգի ձևավորման, շարժողական խախտումների կառուցվածքա-գործառույթային կազմակերպման մասին և թույլ են տալիս կլինիկական պրակտիկայում ներդնել ախտորոշման, բուժման, վերականգնման և կանխարգելման նորագույն տեխնոլոգիաներ: 

1998 թվականից հանդիսանալով Ռուսաստանի հակաէպիլեպտիկական լիգայի նախագահ` Գ.Ն.Ավագյանը Մոսկվայում և Ռուսաստանի Դաշնության տարբեր տարածաշրջաններում կազմակերպեց էպիլեպտոլոգիական ծառայություն: Գ.Ն.Ավագյանի նախաձեռնությամբ և ակտիվ մասնակցությամբ պարբերաբար անցկացվում են ֆորումներ, գիտաժողովներ նվիրված նևրոլոգիայի հիմնական խնդիրներին, որոնց մասնակցում են արտասահմանյան առաջատար գիտնականներ, ներգրավված են նաև պրակտիկ բժիշկների և Ռուսաստանի հետ համագործող գիտնականների լայն շրջանակ: Լինելով Ռուսաստանի հակաէպիլեպտիկ լիգայի նախագահ` Գ.Ն.Ավագյանը կազմակերպել և Միջազգային հակաէպիլեպտիկ լիգայի (ILAE) ՙOut of the Shadows՚ միության շրջանակներում անցկացրել է ՌԴ ԱՀԿ առաջատար փորձագետների խորհրդակցություն, որի հիմնական նպատակն էր խախտել էպիլեպսիայով տառապող հիվանդներին որպես հոգեպես ոչ լիարժեք մարդ ընկալելու առկա ստերեոտիպը: 

Առողջապահության ազգային ինստիտուտի տնօրինությունը շնորհավորում է մեծանուն գիտնականին` Գագիկ Նորայրի Ավագյանին ՙՌուսաստանի Դաշնության գիտության վաստակավոր գործչի՚ կառավարական բարձր պարգին արժանանալու կապակցությամբ և մաղթում գիտական նորանոր նվաճումներ:

Հարցեր, պատասխաններ, մեկնաբանություններ